Gústache deseñar?
Participa no concurso de Galiza Nova coas tuas mellores creacións!BASES CONVOCATORIA CONCURSO EDICIÓN
DUNHA CAMISOLA PARA GALIZA NOVA COMPOSTELA
A QUEN VAI DIRIXIDO?
Poderán solicitar a participación os mozos ou mozas galegos ou residentes en
Galiza, con idades comprendidas entre os 16 e os 30 anos de idade
cumpridos.
A participación supón a aceptación total das condicións fixadas nesta
disposición, e unicamente Galiza Nova-Compostela queda facultada para
dirimir calquera controversia derivada da interpretación destas, así como para
decidir a suspensión do concurso no caso de non acadarse unha participación
mínima. A información contida nesta parte xeral debe ser cumprimentada co
disposto na parte específica.
INSCRICIÓNS.
A solicitude dos participantes deberá facerse mediante correo electrónico
dirixido a galizanovacompostela@gmail.com, no que se indicarán os seguintes
datos: nome, apelidos, enderezo, correo electrónico e teléfono de contacto. No
mesmo correo electrónico, achegarase a proposta de deseño da camisola.
PRAZO DE PRESENTACIÓN DAS SOLICITUDES E EMENDA DE
DEFECTOS
O prazo de presentación de solicitudes será ata o día 29 de xaneiro de 2010.
Se na solicitude se apreciasen defectos, por parte de Galiza Nova-Compostela,
requirirase ao solicitante para que no prazo de 3 días emende a falta, con
indicación de que, se así non o fixese, se considerará desistido da súa petición.
TEMÁTICA
A temática para a edición da camisola é libre. Unicamente se debe axustar aos
parámetros ideolóxicos establecidos nos Estatutos de Galiza Nova. Ademais, a
proposta de deseño deberá incorporar o logo de Galiza Nova-Compostela.
(podes atopalo en: http://www.galizanova.org/, ou solicitalo no correo galizanovacompostela@gmail.com)
COMISIÓN DE SELECCIÓN.
A comisión de selección será a Dirección Comarcal de Galiza Nova-
Compostela. A decisión da comisión de selección será inapelable.
TRAMITACIÓN E RESOLUCIÓN.
As solicitudes remitiranse ao correo electrónico anteriormente citado, á
atención da Dirección Comarcal de Galiza Nova-Compostela, que examinará e
valorará os diferentes deseños en función da súa calidade e proporá a
adxudicación do premio.
A decisión será notificada a todos os solicitantes no prazo máximo de 15 días,
contados desde o día seguinte ao da resolución do concurso.
OBRAS E PREMIOS.
Cada participante poderá presentar varios deseños. As obras presentadas
polos/as participantes deben ser orixinais e non poderán ter sido premiadas no
momento do remate do prazo de presentación de solicitudes, noutros certames
ou concursos.
Galiza Nova-Compostela quedará eximida de calquera responsabilidade
derivada do plaxio ou de calquera transgresión da lexislación vixente que en
materia de propiedade intelectual puidesen incorrer os/as participantes.
Establécese o seguinte premio: lote de libros e diverso material audiovisual
sobre a cultura galega.
Poderanse outorgar mencións de honra, que carecerán de premio, a aquelas
obras que, a xuízo da comisión seleccionadora, acaden a suficiente calidade.
DESTINO E DEVOLUCIÓN DAS OBRAS
As obras dos participantes premiados quedarán en posesión de Galiza Nova-
Compostela que poderá desenvolver as accións que considere oportunas
encamiñadas á difusión dos traballos seleccionados incluídos na presente
convocatoria. A presentación a esta convocatoria implicará, no caso do traballo
premiado, a colaboración nas accións de difusión que se organicen, así como a
cesión a favor de Galiza Nova-Compostela dos dereitos de edición. O feito de
participar nesta convocatoria supón a autorización dos/das participantes, a
favor de Galiza Nova-Compostela, para montar exposicións e/ou para a
exhibición, reprodución ou publicación da imaxe ou contido das obras
presentadas por calquera medio que se estime oportuno, sen máis limitacións
que as derivadas da lexislación vixente.
Os autores e as autoras quedarán comprometidos/as a realizar as
modificacións precisas nos traballos finais e/ou subministrar os arquivos de
código fonte necesarios para que poidan ser publicados total ou parcialmente
no formato máis adecuado. Os deseños dos/as participantes non premiados/as
ou, de ser o caso, deberán ser reclamados por eles no prazo de 15 días a partir
do día seguinte ao da resolución do concurso. Transcorrido este prazo, as
obras non retiradas quedarán á disposición de Galiza Nova-Compostela que
poderá darlles o destino que estime oportuno.
